Rannsóknasetur Háskólans á Suðurlandi einstaklingsmerkti 22 sandlóur í Bolungarvík, á Ísafirði og í Önundarfirði síðastliðið sumar í samvinnu við Náttúrustofu Vestfjarða. Þessar sandlóur fengu dægurrita (e. geolocator) en þeir eru festir á bakið á sandlóunum með „axlarböndum“. 

Lokið er hinni árlegu vetrarfuglatalningu Náttúrufræðistofnunar Íslands.

Eins og endranær tók Náttúrustofan þátt í talningunum hér á Vestfjörðum ásamt sjálfboðaliðum sem þetta árið voru þeir Tómas Sigurgeirson, Eiríkur Kristjánsson, Jón Atli Játvarðson, Hilmar Pálsson og Matthías Lýðsson.

Þann 1. nóvember síðastliðinn tók Sigurður Halldór Árnason við starfi forstöðumanns Náttúrustofu Vestfjarða. Sigurður Halldór er með B.Sc. próf í líffræði frá Háskólanum á Hawaii, M.Sc. próf í stofnerfðafræði frá Háskóla Íslands og vinnur nú að Ph.D. gráðu í vist- og þróunarfræði við Háskólann á Hólum og Háskóla Íslands. Sigurður Halldór tók við starfinu af Nancy Bechtloff sem látið hefur af störfum. Stjórn Náttúrustofunnar býður Sigurð Halldór velkomin til starfa og þakkar Nancy fyrir störf hennar í þágu stofunnar og óskar henni velfarnaðar.